NBC ធ្វើវិសោធនកម្មលក្ខខណ្ឌប្រើប្រាស់ Bakong Open API — កំណត់ត្រឹម ១០០ Requests/ថ្ងៃ

NBC ធ្វើវិសោធនកម្មលក្ខខណ្ឌប្រើប្រាស់ Bakong Open API

ធនាគារជាតិនៃកម្ពុជា (NBC) បានចេញសេចក្តីជូនដំណឹងជាផ្លូវការស្តីពីការធ្វើវិសោធនកម្មលក្ខខណ្ឌនៃការប្រើប្រាស់ Bakong Open API ដែលនឹងប៉ះពាល់ដល់ Developer និង Business ទាំងអស់ដែលកំពុងប្រើប្រាស់ API នេះ។

---

📋 សេចក្តីជូនដំណឹងពី Bakong

ក្រុមការងារបាគង សូមជម្រាបជូនដល់សាធារណៈជនដែលកំពុងប្រើប្រាស់សេវា Bakong Open API នៅលើគេហទំព័រ api-bakong.nbc.gov.kh ថា លក្ខខណ្ឌនៃការប្រើប្រាស់នឹងត្រូវបានធ្វើបច្ចុប្បន្នភាព ដូចខាងក្រោម៖

1. Open APIs ដែលផ្ដល់ជូន គឺសម្រាប់ការប្រើប្រាស់ក្រៅពីគោលបំណងអាជីវកម្មតែប៉ុណ្ណោះ។ ប្រសិនបើត្រូវការផ្ទៀងផ្ទាត់ប្រតិបត្តិការអាជីវកម្ម ត្រូវសហការជាមួយធនាគារ ឬ គ្រឹះស្ថានផ្ដល់សេវាទូទាត់ (PSI) ដោយផ្ទាល់។
2. Rate Limit ថ្មី — កាត់បន្ថយចំនួនសំណើមកត្រឹមតែ ១០០ ដងក្នុងមួយថ្ងៃ សម្រាប់គោលបំណងផ្នែកនវានុវត្តន៍ (innovation/testing purposes)។
3. កាលបរិច្ឆេទចូលជាធរមាន — ថ្ងៃទី ០១ ខែសីហា ឆ្នាំ២០២៦។

---

🔧 អ្វីដែល Developer គួរធ្វើ

ប្រសិនបើគម្រោងរបស់អ្នកកំពុងហៅ Bakong Open API ដើម្បីផ្ទៀងផ្ទាត់ប្រតិបត្តិការទូទាត់ (transaction verification) សម្រាប់ platform ពាណិជ្ជកម្ម ដូចជា KHQR payment flow ក្នុង e-commerce ឬ POS system៖

• ត្រួតពិនិត្យចំនួន Requests/ថ្ងៃ បច្ចុប្បន្នរបស់ System — បើលើសពី ១០០ ដង/ថ្ងៃ នឹងជាប់ Rate Limit ថ្មី។
• ត្រៀម Cache លទ្ធផល ការផ្ទៀងផ្ទាត់ (verification result) ជំនួសឱ្យការហៅ API ដដែលៗ។
• ទាក់ទងធនាគារ ឬ PSI ដោយផ្ទាល់ បើ Use Case ជាផ្នែកអាជីវកម្ម — Open API មិនត្រូវបានរចនាឡើងសម្រាប់ scale នេះទេ។
• តាមដានកាលបរិច្ឆេទ ០១ សីហា ២០២៦ ដើម្បីធ្វើតេស្តជាមុននឹង Rate Limit ចូលជាធរមាន។

---

សេចក្តីដូចបានជម្រាបជូនខាងលើ សូមសាធារណៈជនដែលកំពុងប្រើប្រាស់លើសេវា Bakong Open API ទាំងអស់ មេត្តាជ្រាប និងចូលរួមសហការដោយការយោគយល់។

ប្រភព៖ Bakong Open API — This is an automated message from Bakong Open API. Copyright © 2026 National Bank of Cambodia. All Rights Reserved.