ហេតុអ្វីបានជាលីង t.me របស់ Telegram ត្រូវគាំងមិនអាចប្រើប្រាស់បាន?

ហេតុអ្វីបានជាលីង t.me របស់ Telegram ត្រូវគាំងមិនអាចប្រើប្រាស់បាន?

នៅក្នុងខែកក្កដា ឆ្នាំ ២០២៦ នេះ អ្នកប្រើប្រាស់កម្មវិធី Telegram នៅទូទាំងសកលលោកមានការភ្ញាក់ផ្អើលយ៉ាងខ្លាំង បន្ទាប់ពីលីងទម្រង់ខ្លី t.me (ដូចជា t.me/username) មិនអាចបើកដំណើរការបាននៅលើកម្មវិធីរុករក (Web Browsers)។ ទោះបីជាកម្មវិធី Telegram ផ្ទាល់នៅតែអាចផ្ញើសារបានធម្មតា ប៉ុន្តែរាល់លីងដែលSharedទៅកាន់ខាងក្រៅត្រូវបានកាត់ផ្តាច់ទាំងស្រុង។

១. មូលហេតុបច្ចេកទេស៖ តើមានអ្វីកើតឡើង?

ដូមេន (Domain) t.me ត្រូវបានដាក់បញ្ចូលទៅក្នុងស្ថានភាពមួយដែលហៅថា serverHold ដោយខាងក្រុមហ៊ុនគ្រប់គ្រងមេ (Registry)។

• ការដកចេញពីប្រព័ន្ធ DNS: ស្ថានភាព serverHold នេះមានន័យថា ឈ្មោះដូមេនត្រូវបានលុបចេញពីប្រព័ន្ធ Domain Name System (DNS) សកលជាបណ្តោះអាសន្ន។
• ផលប៉ះពាល់: នៅពេលដែលអ្នកចុចលើលីង t.me កុំព្យូទ័រ ឬទូរសព្ទរបស់អ្នកនឹងមិនអាចស្វែងរកទីតាំង Server របស់ Telegram ឃើញឡើយ ហាក់ដូចជាដូមេននោះមិនដែលមាននៅលើអ៊ីនធឺណិតអញ្ចឹង។

២. មូលហេតុនៅពីក្រោយការផ្អាកដំណើរការនេះ

បើតាមប្រភពព័ត៌មានបានឱ្យដឹងថា ការសម្រេចចិត្តបិទនេះមិនមែនជាបញ្ហាបច្ចេកទេសខាងក្នុងរបស់ Telegram ឡើយ ប៉ុន្តែវាជាបញ្ហាច្បាប់៖

1. ការអនុវត្តតាមច្បាប់ OFAC: ក្រុមហ៊ុន Identity Digital ដែលជាអ្នកគ្រប់គ្រងបច្ចេកទេសនៅពីក្រោយដូមេនកូដប្រទេសម៉ុងតេណេហ្គ្រោ (.me) ត្រូវបង្ខំចិត្តអនុវត្តតាមបទបញ្ជារបស់ការិយាល័យគ្រប់គ្រងទ្រព្យសម្បត្តិបរទេសរបស់សហរដ្ឋអាមេរិក (OFAC)។
2. អត់មានការជូនដំណឹងជាមុន: ការបិទនេះបានធ្វើឡើងភ្លាមៗ រហូតដល់ស្ថាបនិករបស់ Telegram លោក Pavel Durov បានបង្ហោះសារសួរទៅកាន់ក្រុមហ៊ុនគ្រប់គ្រងដូមេននៅលើបណ្តាញសង្គម X ថា៖ «សួស្តី @domainME, លីង t.me បានឈប់ដំណើរការហើយ។ តើអ្នកអាចជួយពិនិត្យមើលវាបានទេ?»

៣. ដំណោះស្រាយបណ្តោះអាសន្នរបស់ Telegram

ដើម្បីដោះស្រាយបញ្ហាចំពោះមុខនេះ ក្រុមការងារបច្ចេកទេសរបស់ Telegram បានធ្វើការកែប្រែប្រព័ន្ធភ្លាមៗ ដោយប្តូរទៅប្រើប្រាស់ដូមេនចាស់ជំនួសវិញគឺ telegram.me ដែលជាដូមេនមិនរងផលប៉ះពាល់ពីការបិទនេះឡើយ ដើម្បីឱ្យការបញ្ជូនបន្ត (Redirect) របស់អ្នកប្រើប្រាស់អាចដំណើរការឡើងវិញជាធម្មតា។